Një avion u rrëzua këtë të dielë në Etiopi ku për pasojë vdiqën 157 njerëz, Në mesin e udhëtarëve të vdekur gjatë rrëzimit të aeroplanit në Etiopi, kishte shtetas nga 35 shtete të ndryshme. Por 2 minuta vonesë i kanë shpëtuar jetën grekut Antonis Mavropoulos. Pas një problemi që pati me valixhen, Antonis arriti kur porta ishte mbyllur. Ndërsa po vijonte t’i ankohej personelit, atij i erdhi lajmi se avioni është rrëzuar dhe se asnjë pasagjer nuk ka mbijetuar.
“E humba fluturimin për dy minuta. Dy punonjës të sigurisë më njoftuan se për arsye sigurie dhe për shkak të një problemi me valixhen nuk mundesha të udhëtoja. U revoltova, por dikush më tha me mirësi që të mos mërzitem por të falenderoj Zotin, sepse isha i vetmi pasagjer i fluturimit ET 302 që kisha mbijetuar. Fillimisht s’e kuptova por prita deri sa më identifikuan. Po më dridhej toka nën këmbë, kërkova në internet për informacion të mëtejshëm mbi fluturimin ndërsa shumë miq nga Nairobia më shkruan për të më treguar se ç’kishte ndodhur. Menjëherë kontaktova familjen që ta informoja se jam mirë. E kam shkruar këtë postim sepse dua të them se rreziqe të padukshme drejtojnë jetën tonë. Në të vërtetë është hera e parë që publikoj me kaq kënaqësi një postim dhe jam shumë i lumtur që jam gjallë dhe kam shumë miq që më duan. Ju përqafoj të gjithëve dhe ju falenderoj për mbështetjen emocionale. Ndoshta nuk jam shumë i vjetër për “rock n roll”, por sigurisht që jam shumë i ri për të vdekur. ( E shkruajta këtë postim nga Nairobia, ku kam arritur më në fund)”, ka shkruar Antonis.
