Një aksident tragjik me 4 të vdekur ka ndodhur në orët e para të mëngjesit të sotëm në autostradën Tiranë-Durrës. Të dhënat paraprake bëjnë të ditur se automjeti që ka shkaktuar aksidentin drejtohej nga 36-vjeçari Dashnor Deliallisi ndërsa në makinën tjetër, 3 vajza udhëtonin drejt Durrësit.
Ngjarja e rëndë u regjistrua rreth orës 04.15, në afërsi të Sukthit, ku automjeti që dretohej nga 36-vjeçari po udhëtonte në senc të kundërt të autostradës .
Si pasojë kanë humbur jetën dy drejtuesit e mjeteve dhe dy pasagjere. Sipas informacioneve të policisë, drejtuesja me inicale G.Sh 23 vjeç banuese në Sarandë është një prej viktimave. Një tjetër viktimë është identifikuar si I.B 33 vjeç ndërsa drejtuesi i automjetit, Dashnor Deliallisi 36 vjeç banues në Durrës.
Automjeti me targa AA694IL, në pronësi të 23-vjeçares nga Saranda, studente në Tiranë , ku ndodheshin 3 vajzat, po udhëtonte në drejtim të Durrësit, kur është përplasur me automjetin me targa AA 979GV, i drejtuar nga 36-vjeçari Dashnor Deliallisi, që lëvizte përballë tyre në drejtim të Maminasit. Drejtimi i mjetit në kahun e gabuar të lëvizjes nga Deliallisi dhe shpejtësia e madhe me të cilën lëviznin mjetet ka qenë fatale për katër personat që ndodheshin në to.
(Elona Xhuti, Greta Sherifi dhe Izabela Gega) vajzat që humbën jetën nga aksidenti
