Një aksident rrugor ka ndodhur sot në aksin Korçë-Voskopojë ku një makinë ka dalë nga rruga dhe si pasojë kanë mbetur të plagosur katër maturantë.
Ngjarja ka ndodhur pak minuta më parë, ndërsa të plagosurit janë dërguar me shpejtësi drejt spitalit rajonal të Korçës. Raportohet se shkak i aksidentit është bërë shpejtësia tej normave të lejuara. Policia dhe grupi hetimor ndodhet në vendngjarje dhe po hetojnë për dokumentimin e plotë të aksidentit.
Gjithashtu mësohet se maturantët ishin organizuar dhe po shkonin me tre makina në vendin turistik të Voskopojës. Ende nuk dihet identiteti i të plagosurve.
