Një person ka humbur jetën dhe dy të tjerë kanë mbetur të plagosur si pasojë e një aksidenti të ndodhur paraditen e sotme në aksin rrugor Bajram-Curri- Fierzë.
Një makinë tip “BMW” me drejtues N.M. banues në Bajram Curri është përplasur me mjetin tip “Benz” me drejtues F.D. banues në fshatin Dushaj, i cili udhëtonte me vëllanë dhe dy pasagjer. Si pasojë e aksidentit ka gjetur vdekjen Mand Dushaj, 64 vjeç, banues në fshatin Dushaj, pasagjer, vëllai i drejtuesit mjetit tip Benz.
Drejtuesi i mjetit tip “BMW”, është shoqëruar në komisariatin e Policisë Tropojë, për veprime të mëtejshme.
Aktualisht grupi hetimor ndodhet në vendngjarje, ku po punon për zbardhjen e shkaqeve të aksidentit.
