Një ngjarje e rëndë ka ndodhur mëngjesin e sotëm në Rrogozhinë ku si pasojë e një aksidenti automobilistik kanë humbur jetën tre të rinj. Ngjarja ka ndodhur në autostradë në RRogozhinë, pranë fshatit Gosë. Makina me të cilën po udhëtonin tre të rinjtë një vajze dhe dy djem, ka dalë nga rruga dhe ka rënë në kanal.
Policia ka dhënë detajet për aksidentin: Aksidenti ka ndodhur rreth orës 08:16, në Gosë të Kavajës, pranë karburant “Mancaku”, ku mjeti tip “Volkswagen”, me drejtues mjeti shtetasin V. K., ka dalë jashtë rruge dhe ka rënë në një kanal me ujë, në brendësi të mjetit kanë qenë edhe dy shtetas të tjerë. Si pasojë e këtij aksidenti kanë humbur jetën të tre shtetasit që udhëtonin në këtë mjet, V. K., 27 vjeç, M. K., 32 vjeçe dhe K. Ç., 22 vjeç. ndërkohë dyshohet se viktime mund të ketë mbetur edhe një tjetër person. Policia po vazhdon hetimet.
