Një aksident ka ndodhur paraditen e sotme në qendër të Tiranës ku ka mbetur i plagosur një i moshuar.
Aksidenti ka ndodhur, rreth orës 09:50, tek vendi i quajtur “Ushtari i Panjohur”, ku një mjet me drejtuesen shtetasen M.V., në rrethana ende të paqarta ka aksidentuar një shtetas ende të paidentifikur i cili është dërguar menjëherë në spital dhe ndodhet nën kujdesin e mjekëve.
Drejtuesja e mjetit është shoqëruar në Komisariatin Nr.1 për veprime të mëtejshme.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
