Një aksident ka ndodhur ditën e sotme në Pogradec, ku si pasojë ka mbetur e plagosur një vajzë. Sipas informacioneve, ngjarja ka ndodhur në aksin rrugor Pogradec-Qafë Thanë, pranë fshatit Memlisht, ku mjeti tip “Benz” me drejtues shtetasin G. B., 25 vjeç, është përplasur me mjetin tip “Volkswagen” me drejtues shtetasin F. B., 40 vjeç.
Për pasojë është dëmtuar pasagjerja në mjetin tip “Volkswagen”, shtetasja E. K., e cila do të transportohet në Tiranë, për mjekim më të specializuar, pasi ka marrë plagë të rënda në kokë dhe trup. Me dy drejtuesit e mjeteve po kryen veprimet e mëtejshme procedurale, pasi të dy janë shoqëruar në komisariatin e Pogradecit. Grupi hetimor po punon për sqarimin e rrethanave dhe përcaktimin e shkakut të aksidentit.
