Një tjetër aksident i rëndë është shënuar mbrëmjen e sotme në Lushnje. Burime bëjnë me dije se ngjarja ka ndodhur në rrugën rurale Krutje-Imshtë, në vendin e quajtur kthesa e Ngurrezes.
Mjeti tip kamionçinë me targa LU 9549 B ka përplasur një motoçikletë. Drejtuesi Konstandin Sylari është dëmtuar rëndë nga përplasja dhe është dërguar me urgjencë ne spitalin e Lushnjes ku po merr ndihmën mjekësore.
Paraprakisht dyshohet se shkak i aksidentit është bërë mosrespektimi i sinjalistikave rrugore dhe manovrat e shpejtësisë, ndërsa policia rrugore nuk ka qenë në patrullim për të parandaluar ngjarjen.
Policia në vendngjarje po punon për dokumentimin dhe zbardhjen e shkaqeve të aksidentit. Drejtuesi i kamionçinës edhe pse ka frenuar nuk ka mundur të shmangë përplasjen.
