Policia: Automjeti doli nga rruga, vdiq pasagjeri
Dalja nga rruga e mjetit me të cilin udhëtonte si pasagjer, i ka marrë jetën një të riu nga Dibra. Sipas policisë ngjarja ka ndodhur në Fushë Lurë. “Më datë 02.04.2016 rreth orës 23.30 kemi marë njoftim se shtetasi Ndriçim Cuku, 30 vjeç, banues në fshatin Lurë e Vjetër, duke drejtuar automjetin tip “Land Rover” me targa KR 6461 A në vendin e quajtur Fushë- Lurë ka dalë nga rruga dhe si pasojë ka gjetur vdekjen pasagjeri shtetasi me inicialet F K, 26 vjeç, banues në Lurë”, thuhet në njoftimin e policisë. Forcat e policisë kanë shkuar në vend ngjarje dhe kanë shoqëruar drejtuesin e mjetit.
