Një aksident tragjik ka ndodhur sot në Rrugën e Kombit, ku një 32 vjeçar ka humbur jetën teksa po punonte në zonën e Uzinës në Kukës në kompaninë e dublimit të urave.
Mësohet se 32 vjeçari duke punuar ka rënë nga ura dhe si pasojë ka gjetur vdekjen.
Grupi hetimor ndodhet në vendngjarje dhe është duke hetuar për shkaqet e këtij aksidenti në punë.
Njoftimi i policisë për ngjarjen:
Më datë 20.03.2019, në aksin rrugor Kukës-Morinë, shtetasi A.F., 32 vjeç, banues në Lezhë, punëtor i firmës kontraktuese për rregullimin e Urës në vendin e quajtur ish Uzina e bakrit, duke punuar ka rënë nga ura, ku për pasojë ka gjetur vdekjen e menjëhershme.
