Automjeti del nga rruga e përplaset me murin rrethues
Aksident me pasojë një të vdekur në aksin rrugor Korçë Kapshticë. Viktima është një 14 vjeçar. Aksidenti ndodhi në orët e para të mëngjesit në afërsi të fshatit Belorta. Mjeti tip Benz me targe AA387 MG, që drejtohej nga 40 vjeçari Aurel Prifti doli nga rruga, duke u përplasur me murin rrethues të një banese. Nga aksidenti, drejtuesi i mjetit është dërguar në gjendje të rëndë drejt spitalit të Korçës, ndërsa i biri 14 vjeçar që udhëtonte me të, humb jetën në vendngjarje si pasojë e plagëve të marra në kokë. Policia lokale bëri të ditur se shkak i aksidentit ka qenë shpejtësia tej normave të lejuara dhe lagështira në rrugë. Në dy javet e fundit,në rruget nacionale të Korçës kanë humbur jetën si pasojë e aksidenteve 3 persona dhe 3 jane plagosur rende.
