Një aksident i rëndë ka ndodhur sot në Berat, ku një motomjet me katër rrota ka humbur kontroll duke hipur në trotuar ku ka përplasur dhe më pas ka marrë zvarrë kalimtarin e identifikuar si Fejzi Skurrani.
Ky i fundit dhe drejtuesi i motomjetit Shkëlqim Plakalliu, janë plagosur rëndë dhe janë dërguar në spitalin e Traumës në Tiranë për një ndihmë të specializuar mjekësore.
Në vendin e ngjarjes kanë shkuar forca të shumta policie të cilat po punojnë për të zbardhur shkaqet e plota të aksidentit të rëndë.
Paraprakisht dyshohet se shkak është bërë shpejtësia mbi normat e lejuara e motomjetit në hyrje të rreth-rrotullimit të Ypsilonit.
