Aksident në aksin Korçë-Pogradec/ Punonjësi i policisë përplas me makinë 12-vjeçarin

Ditën e sotme një aksident i rëndë ka ndodhur në aksin nacional Korçë-Pogradec, në afërsi të vendit të quajtur “Ura e Bulgarecit”.
Raportohet se një punonjës policie në Maliq me automjetin e tij tip “Opel”, ka përplasur një fëmijë 12 vjeç i cili po lëvizte me biçikletë.
Mësohet se gjendja e 12-vjeçarit është shumë e rëndë dhe është nisur menjëherë për në spital.
Grupi hetimor ka shkuar në vendngjarje dhe po punon për zbardhjen e rrethanave të aksidentit.
Njoftimi i policisë:
Korçë/Informacion paraprak
Më datë 30.04.2020, rreth orës 15:40, në aksin rrugor Korçë-Maliq, pranë fshatit Bulgarec, shtetasi D. L., duke drejtuar mjetin tip “Opel” dyshohet se është përplasur me një biçikletë që lëviste një shtetas rreth 12 vjeç, i cili aktualisht ndodhet në Spitalin e Korçës, për ndihmë mjekësore.
Drejtuesi i mjetit ndodhet në Komisariat, ku po kryen veprimet e mëtejshme procedurale. Grupi hetimor po punon për zbardhjen e rrethanave dhe përcaktimin e shkaqeve të aksidentit.