Dy persona kanë humbur jetën si pasojë e një aksidendi të rëndë rrugor në aksin Bulqizë-Peshkopi, në vendin e quajtur “Tre Çezmat”.
Mësohet se kamionçina me targa AA 782 DH, që drejtohej nga Indrit Zeneli, ka rënë në lumin e Bulqizës nga ura që të çon në fshatin Sopot.
Si pasojë ka humbur jetën drejtuesi i automjetit 40 vjeçari Zeneli, nga fshati Sopot i Bulqizës, si dhe Edion Kola, 35 vjeç, banues në Sopot, i cili po udhëtonte bashkë me viktimën tjetër.
Grupi hetimor po kryen veprimet për përcaktimin e shkakut të rënies nga ura si dhe zbardhjen e plotë të rrethanave të ngjarjes.
