Një aksident me pasojë një të vdekur ka ndodhur në orët e para të mëngjesit të sotëm. Ngjarja u regjistrua pranë mbikalimit të Patokut në autostradën Mamurras-Milot, ku një grua është përplasur për vdekje, nga një automjet, shoferi i të cilit është larguar nga vendi i ngjarjes.
Dyshohet se viktima i ka prerë rrugën makinës gjatë kalimit nga njëri krah i rrugës në tjetrin. Ndërkohë policia ka shkuar në vendin e ngjarjes dhe po punon për të identifikuar viktimën, por edhe të kapur shoferin, i cili është larguar pas aksidentit.
