Një aksident automobilistik ka ndodhur pasditen e sotme në bulevardin “Dëshmorët e Kombit”.
Një mjet tip BMW ka humbur kontrollin dhe ka goditur 2 mjete të tjera në rrugë.
Mendohet se BMW-ja ka bërë një manovër të gabuar dhe për pasojë ka përplasur dy makina të tjera duke plagosur pasagjerët që ishin në to.
Njoftimi i policisë
“Më datë 23.07.2020, rreth orës 17:15, në bulevardin “Dëshmorët e Kombit”, janë përfshirë në aksident 3 mjete. Si pasojë është dëmtuar drejtuesi i njerit prej mjeteve dhe dy pasagjeret që kanë qenë në mjetin e tij, të cilët u dërguan në spital dhe ndodhen jashtë rrezikut për jetën. Grupi hetimor dhe shërbimet e Policisë vijojnë puna për zbardhjen dhe dokumentimin e plotë të rrethanave të ngjarjes” – njofton policia.
