Një aksident i rëndë është regjistruar pasditen e sotme në rrugën nacionale Lushnje-Berat.
Dy automjete janë përplasur me njëra-tjetrën pranë një kthese, ndërsa dyshohet se shkak i aksidentit ka qenë shpejtësia tej normave të lejuara.
Për pasojë katër persona janë plagosur mes tyre një fëmijë 13 vjeçar, dhe janë dërguar menjëherë në spitalin rajonal të Lushnjës. Njëri prej të plagosurve është nisur më vonë drejt Spitalit të Traumës në Tiranë dhe ndodhet në gjendje kritike për jetën.
Policia ka mbërritur në vendngjarje dhe po punon për zbardhjen e plotë të shkaqeve të aksidentit.
