Një aksident i rëndë është regjistruar mëngjesin e sotëm në aksin rrugor që lidh Fierin me Lushnjën.
Një makinë ka përplasur një moto-cikletë dhe për rrjedhojë ka ndërruar jetë një i ri (drejtues i moto-cikletës). Bëhet me dije se viktima është shtetasi Alban Petro 29 vjeç.
Në vendngjarje kanë shkuar forcat e policisë, që janë duke punuar për të zbardhur ngjarjen.
Njoftimi i policisë:
Divjakë
Informacion paraprak
Gjatë orëve të para të mëngjesit të sotëm, në afërsi të vendit të quajtur “Pushim i Shoferit”, shtetasi A.P., 29 vjeç, banues në Sopëz, Lushnje, duke drejtuar motomjetin e tij, është përplasur me automjetin tip “Volksvagen” që drejtohej nga shtetasi Q.K., 53 vjeç, banues në Sopëz, Lushnje.
Si pasojë e përplasjes është dëmtuar shtetasi A.P i cili ka ndërruar jetë në Spitalin e Lushnjes.
Eshtë shoqëruar në Komisariatin e Policisë Lushnje drejtuesi i automjetit, shtetasi Q.K dhe po kryhen veprimet proceduriale.
Grupi hetimor po punon për zbardhjen e plotë të ngjarjes.
