Një aksident me pasojë vdekjen ka ndodhur këtë pasdite në aksin rrugor Shkodër – Muriqan.
Mësohet se si pasojë e aksidentit, ka ndërruar jetë shtetasi Lin Dedaj.
Sipas informacioneve paraprake, në vendin e ngjarjes është nisur menjëherë policia për të zbardhur të plotë ngjarjen.
Njoftimi i policisë:
Më datë 18.12.2019, rreth orës 15.05, në aksin rrugor Shkodër- Muriqan, në fshatin Dodaj, drejtuesi i motoçikletës, shtetasi L.D, 45 vjeç, banues në fshatin Bardhaj, Shkodër, ka humbur kontrollin e drejtimit të motoçikletës dhe ka dalë nga rruga.
Si pasojë shtetasi L. D. ka gjetur vdekjen e menjëhershme.
Në vendngjarje ndodhet grupi hetimor dhe po punon për sqarimin e rrethanave të kësaj ngjarje.
