Një aksident i rëndë është regjistruar sot në aksin Shkodër-Koplik, ku një person ka ndërruar jetë dhe 3 të tjerë janë plagosur.
Për nxjerrjen e të plagosurve nga automjeti ishte e nevojshme ndërhyrja e repartit zjarrfikës. Të plagosurit u transportuan menjëherë në spitalin rajonal të Shkodrës mirëpo një prej tyre humbi jetën për shkak të plagëve të marra.
Tre personat e tjerë janë të shtruar në spital duke marrë ndihmën e duhur mjekësore.
