Britani, anija më e madhe fluturuese në botë “Airlander 10” ka realizuar me sukses fluturimin e parë. Fluturimi i parë dhe i shkurtër i anijes ndodhi 85 vjet pas pas përpjekjes së një anije tjetër fluturimi e cila ishte nisur nga i njejti vend në Britani në tetorin e vitit 1930. Anija fluturuese ishte rrëzuar në Francë duke marë jetën e 48 personave.
“Ky është një zbulim i jashtëzakonshëm britanik”-ka thënë shefi ekzekutiv Stephen McGlennan.
Anija fluturuese e zhvilluar fillimisht për ushtrinë amerikane si mjet vëzhgimi, “Airlander” ka mundësi të përdoret nga sektori komercial p.sh. për fluturimin e mallrave. Ajo mund të transportojë edhe mbi 50 njerëz në mënyrë komplet të rehatshme për shkak të hapësirës së madhe brenda saj.
“Airlander 10” ka një gjatësi prej mbi 92 metrash dhe gjerësi mbi 43 metra për shkak të mbështjelljes së saj me veshje prej helium. Anija është hibrid unik i teknologjive të disa mjeteve fluturimi, përfshirë dhe helikopterit dhe aeroplanit të zakonshëm.
Kompania që e ka ndërtuar atë, “Hybrid Air Vehicles” ka thënë se “Airlander” mund të arrij lartësinë prej mbi 1800 metrave dhe mund të arrij shpejtësi deri në gati 150 kilometra për orë. Veçoria më i madhe e saj mund të jetë që ndryshe nga aeroplanet e zakonshëm, “Airlander” mund të fluturojnë mbi dy javë pa pasur nevojë për ekuipazh.
