Duke folur për zgjedhjen e presidentit të ri nga foltorja e Kuvendit, ministri Arben Ahmetaj, nuk ka lënë pa komentuar edhe situatën e pakëndshme mes Berishës dhe Alibeajt. Ahmetaj tha se deputetët opozitarë flasin 20 minuta dhe nuk thonë asgjë, pastaj u pa ndeshje fizike me thumba dhe konfuzion se kush do të bëhet kreu i ri i partisë. Sipas tij, procesi i investimit në sektorin e ujit është afatgjatë.
“Për një sekondë mendoni të mos hapnim asnjë proces për zgjedhjen e Presidentit, imagjino se çfarë do të thuhej nga krahu i djathë, ju nuk na pyetët etj. Vijnë këtu dhe flasin nga 20 minuta dhe nuk thonë asgjë. Patë ndeshje fizike me njëri-tjetrin, pastaj patë thumba dhe konfuzion se kush do të bëhet kreu i partisë. Këtë nuk ua zgjidhim dot ne, por merruni vesh mes vetit. Procesi i investimit në sektorin e ujit është afatgjatë. Kur Tirana drejtohej nga ju, vetëm 5% e territorit furnizohej me ujë, Statistika nuk mund të deformohet. Do të fillojmë të merremi me atë që bëjmë ne. Raporti i fundit të BB ka një fakt që ka të bëjë me përpjekjen e mazhorancës për të luftuar varfërinë, Nga viti 2016 varfëria në bazë të statistikës së Bankës Botërore, ritmi i uljes së varfërisë dhe ritmi i rritjes së ekonomisë, janë më të përshpejtuarat në të gjithë rajonin” – tha Ahmetaj.
