Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Agron Tufa: Spartak Braho më sulmon se kam gjetur vrasësit

Nga Media 0

Kreu i Institutit të Studimeve të Pasojave të Komunizmit, Agron Tufa ka folur për sulmet dhe debatet që ka me deputetin e PS-së Spartak Brahon dhe  me persona të tjerë.

I ftuar në emisionin  “Të Paekspozuarit”, Tufa sqaroi se këto sulme vijnë për shkak të aktivitetit të tij dhe denoncimit me fakte, të krimeve të kryera në diktaturë duke thënë se Braho është Shqipëria e diktaturës, Shqipëria e gjyqeve, ndëshkimeve me pushkatime.

“Shkaku i sulmeve ndaj meje, është nxjerrja nga hiçi, mbi 100 tituj, që janë bërë platformë bazë mbi studimet e thelluara mbi diktaturën.  Ne kemi ofruar të gjitha llojet e krimeve të komunizmit, nga ekonomia, feja, kultura. Ato kanë dalë në dritë dhe kjo ka nisur të bëhet shqetësuese. Aktiviteti përfshin veprat, studime informuese, filma artistikë, aktivitete, konferenca, albume. As nuk e kam njohur dhe as e njoh, por Braho përfaqëson diçka që nuk e përfaqësoj unë. Braho është Shqipëria e diktaturës, Shqipëria e gjyqeve, ndëshkimeve me pushkatime.Një njeri, që gjërat i sheh vetëm bardh e zi, njeri që nuk njeh jetën me ngjyrat. Si ekzistencë ai është aty tek viti 55-56, edhe pse frymon në vitin 2019. Edhe ëndrrat i sheh me Enver. Kuptohet edhe nga ligjërimi, gjestet, sjelljet, kanosjet. Dua që ky format të fshihet nga jeta e shqiptarëve. Nuk shpresoj në ndonjë ndjesë, apo ndryshim por ky është një test i shoqërisë shqiptare. Ne përballemi në vitin 2019, në këto nivele dhe përjashto mediet, shoh që gjithçka është mpirë, është një sehir popullor. Reagimet mungojnë, vëzhguesit ndërkombëtarë nuk flasin. Kështu pra po krijohet, e 25 ditë, front lufte, një media e angazhuar ditë për ditë më linçon çdo ditë, më veshin me rrobat fashiste të Benito Musolinit. Unë vazhdoj të anatemohem, të cilësohem edhe vrasës, me epitete fyese dhe kërcënuese. Unë e kam dëshmuar me dokumente  kush është vrasësi. Unë faktoj diçka dhe vazhdoj me tutje. Por nuk mund të përballoj, figura që shkruajnë çdo ditë, kur lodhen fillojnë të tjerët.  Unë jam i kërcënuar, i shantazhuar, me thirrje vriteni atë. Në mënyrë metaforike, kam pohuar, që shteti po drejtohet nga ish sigurimsat,”është shprehur Tufa.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej