30 poetë ndalin aktivitetin e planifikuar si mbremje poetike, nga shkrimtarja e akuzuar për firmosjen e vendimit për vrasjen e dy poetëve, Genc Leka e Vilson Blloshmi
Kishte planifikuar të organizonte një mbrëmje letrare në ambjentet e Piramdës shkrimtarja Diana Çuli, por një surprizë i ka ardhur pak orë para aktivitetit nga shkrimtari Agron Tufa. Ky i fundit ka ftuar 30 poetë t’i bashkohen mbrëmjes letratre të Diana Çulit për të lexuar poezitë e dy poetëve të vrarë në komunizëm pikërisht me firmën e saj.
“Ejani të lexojmë poezitë e poetëve Genc Leka e Vilson Blloshmi para Diana Çulit, në të njëjtin vend me vrasësen e tyre”, shkruante Tufa në facebook. Bashkë me mesazhin, Tufa kishte publikuar edhe disa vendime ku figuron firma e Diana Çulit. Kjo thirrje e Tufës ka anulluar aktivitetin e Çulit, e cila kishte parashikuar një aktivitet letrar. Pikërisht aty, shkuan poetët e ftuar nga Agron Tufa për tu përballur me Diana Çulin si njeriu që ka firmosur për vrasjen e dy poetëve. Frika për një përplasje të mundshme ka bërë që organizatorët ta anullojnë aktivitetin letrar. Në vend të aktivitetit të Çulit, 30 poetë e ftuar nga Agron Tufa kanë organizuar mbrëmjen poetike kushtuar dy poetëve të vrarë.
Pas vendimit për anullimin e këtij aktiviteti, Tufa shkruan sërish në facebook.
“Falenderim dhe mirënjohje për të gjithë poetët e lexuesit që na mbështetën me praninë e tyre sonte ne “You, me & Bukowski” për mbrëmjen poetike kushtuar poetëve martirë Genc Leka dhe Vilson Blloshmi. Prania juaj bëri të zbythej vrasësja e tyre, sh-krim-tarja Diana Çuli, siç edhe parashikohej. U kënaqëm shumë dhe u dhamë një mësim etik në distancë të gjithë atyre që keqpërdorin projektet me fondet publike, që u janë dhënë ndershmërisht për të promovuar shkrimtarët shqiptarë, e jo vrasësit që nuk kanë kerkuar falje. Replika, e them sinqerisht, nuk kishte lidhje fare fare me MK, që thjesht ofron mundesi, por per udheheqeset e projektit, qe me një mendjelehtësi shokuese mendojnë se mund të
Kurorëzojnë Trëndafilat me zhaba ose Zhabat me Trëndafila. Respekt për 30 të pranishmit! Në Kënetën tonë, ne së bashku do të dimë t’i mbajmë, së paku, ca rrjedha uji të pastër…. Sa për modele morale në ndotjen e përgjithshme. Ky i sotmi ishte një aksion ekologjik në letërsi”.
