Agjencia Franceze e Shtypit (AFP) publikoi një koleksion me 20 fotot më të bukura dhe më prekëse të vitit 2016. Çdo vit AFP, që ka fotografë në mbarë botën, bën një përzgjedhje të fotove më të bukura dhe domethënëse të 12 muajve.
1- Një burrë largon një fëmijë, ndërsa refugjatë të tjerë ndodhen të shtrirë në tokë, pasi policia maqedonase përdori gazin lotsjellës kundër qindra njerëzve nga Iraku dhe Siria. Ata u përpoqën të hynin nga Greqia në Maqedoni, në zonën kufitare Idomeni më 29 shkurt. 
2- Punonjësit sirianë të ndihmës tentojnë të shpëtojnë një banor nën gërmadhat e ndërtesës së bombarduar në veri të Alepos, më 11 mars.
3- Drejtuesi i një motorri udhëton gjithnjë së bashku me macen e tij 12vjeçare, në Rio De Zhanejro, Brazil. Foto e bërë më 19 qershor.
4- Nigel Farage pozon përpara fotografëve në një qendër votimi më 23 qershor, ndërsa Britania e Madhe votoi për t’u larguar nga Bashkimi Europian.
5- Një grua mban një pankartë gjatë protestës në mbështetje të lëvizjes për njerëzit me ngjyrë në NjuJork, më 9 korrik.
6- Vullnetarë, të lyer me ngjyrë blu, në një vepër të artistit amerikan, Spencer Tunick, më 9 korrik.
7- Njerëzit duke ndjekur ndeshjen finale të “Euro 2016” midis Portugalisë dhe Francës në një ekran gjigand pranë Kullës “Eiffel”, teksa Kristiano Ronaldo nxirret jashtë fushës i dëmtuar, më 10 korrik.
8- David Kameron, së bashku me familjen, duke folur përpara nisjes për në Pallatin Bakingam për të paraqitur dorëheqjen te Mbretëresha.
9- Presidenti turk, Rexhep Taip Erdogan, i përlotur gjatë funeralit të njërës prej viktimave të grushtit të shtetit në Stamboll, më 17 korrik.
10- Një grua përqafon bashkëshortin e saj, i cili është qëlluar për vdekje nga persona të paidentifikuar në Manila më 23 korrik, si pjesë e fushatës së presidentit Duterte kundër përdoruesve dhe trafikantëve të drogës.
11- Presidenti amerikan, Barak Obama dhe kandidatja demokrate për presidente, Hillari Klinton, përqafohen gjatë Konventës Kombëtare të Demokratëve në Filadelfia, më 27 korrik.
12- Francezi Samir Ait Said reagon pas dëmtimit në këmbë gjatë garave të gjimnastikës në Olimpiadën e Rios, më 6 gusht.
13-Omran, një djalë 4vjeçar nga Siria, i mbuluar nga gjaku dhe pluhuri, pasi u shpëtua nga rrënojat e një ndërtese të bombarduar nga avionët pranë Alepos, më 17 gusht.
14- Xhamajkani Usain Bolt bën shaka me kanadezin Andre De Grasse, pasi ata kalojnë vijën e binishit në garën e 200 metrave në gjysmëfinalen e Rios, më 17 gusht.
15- Kandidati republikan për president, Donald Tramp, përshendet, teksa del jashtë avionit në Kolorado, më 17 shtator.
16- Një grup migrantësh presin për ndihmë në Detin Mesdhe, rreth 12 milje në veri të Libisë, më 4 tetor.
17-Një burrë qëndron përpara një flake gjigande nga djegia e naftës në zonën e Mosulit, më 19 tetor, gjatë operacionit të forcave irakiane kundër Shtetit Islamik.
18- Një grua irakiane mban macen e saj teksa pret të transportohet në një pikë kontrolli në Irak, rreth 22 km larg Mosulit, më 10 nëntor.
19- Punonjësit e sektorit shtetëror në Rio De Zhanejro protestojnë kundër masave shtrënguese, më 16 nëntor.
20- Civilë sirianë ndihmojnë një djalë të vogël për të dalë nga rrënojat, pas një sulmi.
/AFP/
