Afera e inceneratorëve, Malltezi: SPAK është mashë e Soros, “koka” e grupit është vetë Rama

Dhëndri i kreut të PD-së, Sali Berisha, Jamarbër Malltezi në një intervistë për RTV Ora ka folur për aferën e inceneratorëve, që sipas tij nuk mund të realizohej pa përfshirjen e kryeministrit Rama. Sipas Malltezit, SPAK është kthyer në një mashë të “oficerëve” të Soros dhe që ka frikë të hetojë aferën.
Ai shtoi se asnjë zyrtar i Shqipërisë nuk lejohet të dijë se ku shkojnë paratë e shqiptarëve ndërsa ironizoi se këtë të drejtë e ka një shtetase ruse.
Ai tha se janë tre nivele guaskash që janë përdorur për të mbuluar gjurmët e Klodian Zotos dhe Mirel Mërtirit, ndërsa shtoi se në majë të kompanive fiktive qëndron një shtetase ruse dhe një shtetas holandez.
“Afera e incineratorëve është një aferë galoponte, e cila nuk mund të realizohej pa përfshirjen e Edi Ramës. Në çdo hap të kësaj afere, një njeri i zakonshëm çuditet dhe vë duart në tokë, kur shikon që incineratori nuk ekziston fare ndërkohë që ne na ka marrë 50 mln euro.
Janë tre nivele guaskash që janë përdorur për të zhdukur gjurmët e Klodian Zoton dhe Mirel Mërtiri. Interesante është që në majë të guaskave, eksiston një shtetase ruse dhe një shtetas holandez. Këto guaska ekzistojnë vetëm në letër, kanë zero punonjës. Këta kanë vjedhur qindra miliona euro, kanë vjedhur me një grup të strukturuar kriminal i ngritur që nga Edi Rama e deri te sekserët e tij, zoto, Gugallja e Mëritiri. Asnjë zyrtar i Shqipërisë nuk lejohet të dijë se ku shkojnë paratë e shqiptarëve, ndërkohë këtë e di një shtetase ruse që ka tagrin për të firmosur për guaskën gjyshe të guaskës mbesë që kanë ndërtuar Mërtiri e Zoto në Hollandë.
I madh e i vogël e dinë se afera e incineratorëve është një aferë gjigante, është një vjedhje gjigante, por është një vjedhje nga Rama, Ahmetaj, e të tjerë. Këtë nuk mund ta bënte vetë as Koka e as Bllako. Koka direkt është Rama.
Sipas kontratave incineratorët duhet të jenë në operim.
Pala që ka futur në xhep qindra mln euro incineratorësh, mund ta shkelë kontratën, ndërsa shteti shqiptare nuk e shkelka dot.
SPAK po kthehet si mashë e oficerëve të Soros, kjo është çështja. Nëse SPAK do të veprojë duhet t’i bashkojë këto të tre sepse janë të njëjtët persona. Gugallja, Mërtiri e Zoto janë sekserë te të tre incineratorët. Koka ka marrë miratimin e Arben Ahmetajt, kemi aferën tjetër në të cilën kinse u kaluan procedurat dhe në dhjetëra firma brenda ditës. Secila nga ajo procedurë do javë të tëra. Afera është e madhe, drejtësia nuk do jo se nuk di. Drejtësia ka frikë, është e kapur, nëse do të donte të gëzonte respektin e qytetarit shqiptar, do duhej të hiqte mënjanë mantelin e Sorosi.”-tha Malltezi.