Ermal Mamaqi prej vitesh është larg ekranit dhe emisionit komiko-satirik që drejtoi për një periudhë të gjatë, por duket se vazhdon t’i bëjë për të qeshur njerëzit në rrjetet sociale.
Ai iu komenton shpesh figurave të njohura të showbizit në fotot që postojnë në Instagram dhe sigurisht që komentet janë me nota humori, ndonjëherë edhe ironie.
Modelja e njohur shqiptare, Adrola Dushi, ka ndarë në këtë media sociale një foto ku shkruan: “Ju ndodh edhe ju të fiksoheni me një palë atlete e deri sa t’i dali boja s’i hiqni më nga këmba?”
Kësaj pyetjeje Ermali i është përgjigjur duke shkruar: “Na ndodh motër na ndodh… të gjithë kemi qënë pa lekë dikur”. Komenti i tij ka shkaktuar të qeshura tek ndjekësit që kanë nisur të replikojnë dhe ta pëlqejnë komentin e tij. Ndërkohë ende nuk ka një përgjigje nga Adrola.
Kjo e fundit këto kohë ka marrë një pushim nga angazhimet si modele duke u fokusuar më shumë te jeta e saj personale. Jeta e Adrolës është e ndarë mes SHBA-së ku ka familjen dhe Shqipërisë.
Nga ana tjetër, Ermali është fokusuar te kinematografia dhe leksionet e motivimit, teksa nuk e ka përjashtuar një rikthim në ekran me ndonjë projekt të ri.
