Bukuroshja shqiptare Adrola Dushi ishte këtë vit në rolin e moderatores në festivalin e “Këngës Magjike”, e cila u përfol jo pak.
Përveçse e mrekullueshme në dukje, Adrola mori mjaft komente negative për prezantimin aspak dinjitoz në këtë festival.
Për tre netë, Adrola përjetoi emocionet e të prezantuarit një spektakël kaq të rëndësishëm krah Ardit Gjebreas.
Së fundmi, e ftuar në emisionin “Mirage”, modelja ka treguar si është ndjerë gjatë prezantimit, komentet që mori e gjithçka tjetër.
“Hyja dhe dilja nga skena, pa e ditur as se çfarë po bëja, isha si në gjendje shoku. Nuk e kuptoja çfarë po ndodhte me mua, kam pasur një emocion të tmerrshëm, nuk e di as përse më ndodhi e gjitha. Madje, i thashë mamit më ka ngrënë syri i keq, se s’ka mundësi tjetër, se unë jam shumë llafazane në përgjithësi. Isha shumë mirë para festivalit, por Arditi më dha shumë tekst. Kjo, sepse kishim një komunikim shumë të mirë bashkë, shumë spontan, flisja shumë, nuk më mbyllej goja para festivalit edhe kur hipa në skenë nuk e di çfarë ndodhi me mua, thjesht u bllokova”, ka treguar Adrola.
