“Më ka munguar fusha e futbollit, emocionet e golit të shënuar, pra këto janë arsyet kryesore që më bën të rikthehen”, ka thënë Adriano menjëherë sapo ka firmosur për Maiami Junaitid. Sulmuesi brazilian do të mbajë numrin 10 dhe kontrata me klubin e pronarit italian Roberto Saka do të përfundojë në dhjetor të këtij viti, por me opsion rinovimin. Skuadra e re e ish-Perandorit militon në ligën e katërt për nga rëndësia në futbollin amerikan, pas MLS, NASL, ku është Maiami FC i Nestës dhe Maldinit dhe USL. Adriano, i cili vite më parë la gjurmë tek Interi në Serinë A tashmë është 34 vjeç, por pretendon të bëhet Perandori i ri i Maiamit.
