Policia e Lushnjes ka arrestuar dy të rinj, pasi kanë dhunuar një të moshuar në tentativë për të vjedhur.
Në pranga ka rënë Julian Kiptiu, 18 vjeç dhe vajza e identifikuar si K. B., 16 vjeçe, të dy banues në Lushnjë.
Ka qenë e dashura 16-vjeçare e Julianit, e cila është shtirur si e sëmurë dhe i është futur në shtëpi të moshuarës, Lume Zeqos 64 vjeçe.
16-vjeçarja i ka kërkuar ndihmë duke gënjyer se është e sëmurë dhe më pas, sapo është futur brenda në shtëpi, e ka spërkatur në sy me spraj lotsjellës.
Adoleshentja e ka kyçur të moshuarën në katin e parë të banesës dhe ka nisur kontrollin në shtëpi për para ose sende me vlerë. Duke qenë se nuk gjeti gjë, ajo është larguar nga banesa duke u ndihmuar nga 18-vjeçari Julian Kiptiu, edhe ky i arrestuar.
Pas kontrolleve të ushtruara, është arritur arrestimi i dy të rinjve, teksa iu sekuestrua në cilësinë e provës materiale spraji lotsjellës që ata kishin përdorur me qëllim realizimin e vjedhjes.
Ndaj tyre rëndojnë akuzat për veprën penale “Vjedhja me dhunë” e mbetur në tentativë, e kryer në bashkëpunim”.
