Në një komunikim për mediat drejtori për Hetimin e Krimit Ekonomik e Financiar në Policinë e Shtetit, Lutfi Minxhozi, ka dhënë detaje rreth arrestimit të disa zyrtarëve të Hipotekës së Kavajës, nën akuzën e shpërdorimit të detyrës.
Minxhozi bën me dije se si ishte ndarë roli i këtyre 10 zyrtarëve dhe ish-zyrtarëve.
Deklarata e policisë
Siç u bë e njohur edhe për publikun, është në proces finalizimi një operacion policor “Ranishtja”, ku janë arrestuar e ndaluar 10 zyrtarë dhe ish-zyrtarë publikë, si dhe eshte shpallur në kërkim një tjetër zyrtar.
Drejtoria për Hetimin e Krimit Ekonomik e Financiar, Sektori për Hetimin e Korrupsionin në Departamentin për Hetimin e Krimit të Organizuar dhe Krimet e Rënda në Policinë e Shtetit, si dhe Sektori për Hetimin e Korrupsionit në Policinë e Tiranës, si në çdo hetim tjetër nën drejtimin dhe bashkëpunim me Prokurorinë e Rrethit Gjyqësor Kavajë, në kuadër të procedimit penal nr.92 të vitit 2017, organizuan operacionin “Ranishtja”.
Gjatë hetimit pro – aktiv 9 mujor, këta shtetas në bashkëpunim me njëri-tjetrin duke abuzuar me detyrën funksionale, kanë fallsifikuar dhe tjetërsuar 36 hektarë tokë shtetërore ranishte në zonën bregdetare Spille Kavajë.
Këtë sipërfaqe e kanë regjistruar në Zyrën e Regjistrimit të Pasurisë së Paluajtshme Kavajë (ZRPP), duke përfituar padrejtësisht në interes të tyre dhe personave të tjerë.
Mbi bazën e provave të siguruara gjatë hetimit nga strukturat kundër Krimit Ekonomik e Financiar, Prokuroria e Kavajës ka dhënë pëlqimin për masat e arrestit dhe Gjykata e Kavajës, ka vendosur sekuestrimin e 36 hekatreve tokë, në vijën bregdetare Spille Kavajë, si dha ka caktuar masën e sigurisë “Arrest në burg” për zyrtarët e administratës shtetërore si vijon:
Të arestuar
1. Fatos Kaja, 49 vjeç, ish-kryetar i Komunës Kryevidh Kavajë dhe ish-Nënprefekt në Prefekturën Tiranë, deri në maj 2017.
2. Nezir Lecini, 55 vjç, ish-Shef i Zyrës së Kadastrës në Kavajë, aktualisht specialisit në këtë zyrë,
3. Andi Gjeci, 30 vjeç, me detyrë juristi i ZVRPP Kavajë,
4. Dritan Kazazi, 43 vjeç, me detyrë hartograf në ZVRPP Kavajë,
5. Bexhet Pjeci, 58 vjeç, ish-Kryetar Komune Kryevidh,
6. Ilir Kaja, 52 vjeç, me detyrë agronom në njësinë Administrative Kryevidh, Kavajë,
7. Agron XHelezi, 53 vjeç, ish-Kryetari i Komisionit të ndarjes së tokave në Spille.
8. Dashnor Çullaj, 52 vjeç, ish-përfaqësues i Komunës Kryevidh, Kavajë, në komisionin e ndarjes së tokave,
9. Altin Copa, 32 vjeç, aktualisht drejtor i ALUIZNI-t Kavajë.
10. Enver Duqi, 60 vjeç, me detyrë ish-Drejtor i Administrimit dhe Mbrojtjes së Tokave në Këshillin e Qarkut Tiranë, aktualisht specialist i mbrojtjes se mjedisit dhe pyjeve ne Ministrine e Mjedisit
