Prokuroria e Shkodrës ka urdhëruar ndalimin e 5 punonjësve të Qendrës Rezidenciale të Fëmijëve Shkodër, përfshirë ish-drejtoreshën, urdhër i cili është ekzekutuar menjëherë nga policia
Prokuroria e ka zbuluar një skandal të frikshëm në jetimoren e Shkodrës. Abuzime seksuale dhe keqtrajtim e dhunë fizike ka ndodhur me të miturit e moshës 6-14 vjeç në Qendrën e Fëmijëve në qytetin e Shkodrës. Prokuroria ka konfirmuar lajmin përmes një deklarate për mediat ku thekson se: “tre fëmijë të mitur femra janë abuzuar seksualisht dhe defloruar. Prokuroria e Shkodrës ka krijuar dyshime të arsyeshme se dhuna seksuale ka ardhur për shkak të neglizhencës së personelit të Qendrës Rezidenciale.” Pas sinjalizimeve të marra nga institucioni i Avokati i Popullit se mbi fëmijët që jetonin në këtë Qendër kishte abuzime nga personeli, Prokuroria nisi hetimet në bazë të të cilave “janë krijuar dyshimet e arsyeshme se punonjës të personelit të Qendrës kanë abuzuar fizikisht, kanë keqtrajtuar dhe i kanë vënë në punë të detyruar fëmijët e Qendrës Rezidenciale”.
Për këtë ngjarje shumë të rëndë, Prokuroria e Shkodrës ka urdhëruar ndalimin e 5 punonjësve të Qendrës Rezidenciale të Fëmijëve Shkodër, përfshirë ish-drejtoreshën, urdhër i cili është ekzekutuar menjëherë nga policia. Janë arrestuar: Albana Llazani , ish-drejtoreshë e Qendrës Rezidenciale për Fëmijë, Shkodër; Rafaela Camaj , punonjësve e Qendrës; Shpresa Nishani, punonjësve e Qendrës; Najada Rramolli, punonjësve e Qendrës; Violeta Marku, punonjësve e Qendrës. Këta persona akuzohen për konsumimin e elementëve të veprave penale të “Shpërdorimit të detyrës” dhe “Keqtrajtimit të të miturve”.
