Në konferencën që zhvilloi ditën e sotme në Shqipëri, presidenti turk Erdogan u “zu ngushtë” nga pyetjet e gazetarëve. Ai u pyet nëse duhet të shqetësohet BE për faktin që Turqia i ka dhënë vendin tonë mbështetjen më të madhe në raport me shtet e tjera të Ballkanit dhe nëse përfitonte Turqia nga kjo.
Vetë Erdogan tha se u zu ngushtë nga kjo pyetje, por hodhi poshtë të gjitha dyshimet, duke thënë se nuk ka vend për këto aludime pasi ne jemi vëllezër. “Më bëre një pyetje që më kape ngushtë. Megjithatë nuk jam i kapur ngushtë. Rregullat e vëllazërisë janë të ndryshme. Ne po flasim për marrëdhënien pas tërmetit, është sipas rregullave të vëllazërisë, të gjitha me këtë rregull i bëjmë. Po ashtu, do të vazhdojmë restaurimet dhe mos kërkoni asgjë më pak. Ne jemi vëllezër. Çfarë do të ndodhë? Mos e bëni fare si pyetje. Asnjëherë mos e vini në mëdyshje”, tha ai. Erdogan tha më tutje se Turqia do vazhdojë ta mbështes Shqipërinë, sidomos në rastet e fatkeqësive natyrore.
