Kohët e fundit në media janë zbuluar skandalet e njëpasnjëshme të Drejtorisë së Përgjithshme të Tatimeve dhe drejtuesit të saj Ceno Klosi. Korrupsioni i përmasave të frikshme por nepotizmi në përmasa gjigande. Zgjerohet rrethi nepotik i drejtorit të Përgjithshëm të Tatimeve Ceno Klosi në administratën që ai vetë drejton. Kështu mësohen se Ceno Klosi ka emëruar drejtor në Drejtorinë e Rimbursimit të TVSH kushëririn e tij Gjergji Smokthina. Ky i fundit është në konflikt të pastër interesi, pasi e ëma e tij Ermira Klosi është kushërira e parë e të atit të Ceno Klosit, Fatmir Klosi.
Sipas burimeve që nuk duan të identifikohen do të lëshohet një ushtri tatimorësh kundër shtypit, sigurisht kundër atij shtypi qëndrestar që zbulon dhe fakton përditë shndërrimin e këtij institucioni nga më të rëndësishmit e shtetit në një kompani private të drejtuesit të saj. Por drejtori Ceno Klosi si rilindas i vërtet sigurisht që do të bëjë selektimin e shtypit, ata që do të goditen dhe ata që nuk goditen, madje shpërblehen në forma të ndryshme.
Sigurisht është një strategji e pacipë pasi nuk kundërshtojnë dot me prova asnjë fakt se denoncimet në media të kësaj katrahure që po shkakton drejtuesi i tatimeve. Për sa i përket selektimit të medias të bie në sy fakti që gjithmonë përkëdhelet në forma të ndryshme media e Carlo Bollinos, njeriu që ka 10 vjet që vetëm përfiton nga Rama. Kjo media është mësuar me llogari të dyfishta se ka dhe mekanizmat për t’i mbuluar ato por lind pyetja: A do t’i kontrollojnë tatimet bilancet e dyfishta të Carlo Bollinos?
