Komiteti Teknik i Ekspertëve ka dalë në një konferencë për mediat për të dhënë një pasqyrim të situatës më të fundit të pandemisë së koronavirusit në vendin tonë.
Gjatë konferencës u njoftua edhe për mbylljen e vendit nga ora 22:00 deri në orën 06:00.
Përsa i përket mbylljes së shkollave, Mira Rakacolli u shpreh se ato nuk do të mbyllen akoma, pasi nuk janë ende një vatër infeksioni.
“Unë shpjegova çdo masë që merret bëhet në bazë të shifrave dhe arsyes se pse janë këto shifra. Neve na rezulton se që në shkolla të ketë shpërndarje te infeksionit më të madhe se më parë. Nuk i kemi shkollat në vatra infeksioni. Ne po monitorojmë me shumë kujdes dhe masat merren në vazhdim të situatës epidemiologjike. Shohim fenomenin, zbulojmë faktorët dhe shohin çfarë mund të bëjmë për parandalimin. Sot për sot shkollat nuk kanë influencuar në një rëndim të madh të situatës”, tha Rakacolli.
