Donald Veshaj, aktori i njohur i humorit dhe njëkohësisht i njohur si një ndër finalistët e “Big Brother Vip”, vazhdon të marrë vëmendje për historinë e tij me moderatoren, Bora Zemani.
Ai ishte i ftuar në emisionin “Ndryshe” në Top Albania Radio. Gjatë bisedës në emision aktori i humorit ka marrë një telefonatë kurth nga Salsano Rrapi, Adi Pojana dhe Anxhela Baxhija.
Teksa ishin live, Anxhela ka telefonuar Donaldin, ku i ka bërë një ofertë për reklamë me borën.
“Kemi një propozim biznesi, një reklamë marketingu. Meqenëse hapet sezoni tani, ne kemi menduar të jesh në Dajt dhe të bësh një reklamë vetëm me plane në dron. Ti je dakord parimisht?”
Më pas, pasi Anxhela i tregoi mënyrën se si do të bëhej reklama, ish-banori i “Big Brother VIP” ishte dakord dhe i tha se të takoheshin që të flisnin për detajet e tjera.
“Parimisht po, por duhet të ulemi të flasim për reklamën, ku do të transmetohet…”
Më pas në telefonatë ka ndërhyrë Salsano Rrapi dhe aty është kuptuar se e gjitha ishte një shaka.
Kujtojm se, pas daljes nga “Big Brother VIP”, aktori i humorit ka reaguar në lidhje me Bora Zemanin. Në reagimin e tij Donald Veshaj bëri të qartë se po përpiqej të rifitonte Borën. Përmes deklaratës publike, aktori nënkuptoi se është penduar për lidhjen që krijoi me këngëtaren Beatrix Ramosaj brenda shtëpisë së famshme.
