Drejtuesit e Tiranës nuk po munden të gjejnë një alibi për tifozët e tyre, të paktën sa për të zbutur gjakrat në pag të ndeshjes së të mërkurës ndaj Flamurtarit, pikërisht skuadrës që e eleminoi nga gara për të fituar kupën e Shqipërisë, trofe që për herë të fundit e ka arritur në finalen e 17 majit 2012 ndaj Skënderbeut në “Qemal Stafa”. Tifozët duket se e kanë humbur durimin dhe kanë vendosur ta braktisin skuadrën e tyre në takimin ndaj vlonjatëve, por edhe në kushte normale, numri i mbështetësve gjithsesi do të ishte i kufizuar. Bardheblutë kanë kohë që premtojnë se do të inagurojnë sistemin e ndriçimit, madje kundër Flamurtarin ishte njoftuar zyrtarisht se do të luhej në orën 17:00. Por, kur flitet për një klub që nuk llogarit dot as kohën e punimeve në impiantin e vet edhe lëvizja e shpeshtë e orareve mund të konsiderohet normale. Prozhektorët nuk mund të ndizen sërish dhe takimi do të luhet në 14:00, kur në mesjavë jo të gjithë janë të ngeshëm. Kështu, për këtë arsye dhe për të gjitha të tjerat, nesër “Selman Stërmasi” do të jetë i gjithi i vlonjatëve, nëse edhe këta të fundit do të binden t’i japin një dorë skuadrës së tyre qw vazhdon të jetë present në garën e mbijetesës.
