Çifti amerikan Harvey 104 vjeç dhe Irma Schluter 93 vjeçe, mbajnë emrat e dy uraganëve që kërcënojnë Shtetet e Bashkuara të Amerikës njëherazi.
“S’e di si ndodhi kjo, një Harvey dhe një Irma. S’e di si mund ta kenë stisur kështu,” tha znj. Schluter.
Shpjegimi është i thjeshtë. Që prej vitit 1979, Organizata Botërore Meteorologjike ka alternuar emra burrash dhe grash për stuhitë tropikale që formohen në oqeanin Atlantik. Përdoren gjashtë lista emrash, të cilët riqarkullojnë çdo gjashtë vite raporton NY Times.
Emrat e uraganëve të këtij viti, do të përdoren sërish për uraganët e vitit 2023. Vetëm emrat e uraganëve që shkaktojnë dëme katastroke dhe marrin jetë njerëzish nuk përdoren më. Duke marrë parasysh forcën dhe shkatërrimin shkaktuar nga uraganët Harvey dhe Irma, kjo do të jetë hera e fundit që përdoren për këtë qëllim.
