Policia kufitare ka sekestruar mbi 1.1 ton kanabis dhe një gomone, ndërsa destinacion i lëndës narkotike ishte Italia.
Policia njoton se në vendin e quajtur “Zhapovel” në Karaburun është konstatuar një gomone me 1110 kg kanabis, e cila ecte me shpejtësi në drejtim të bregut të detit.
Mësohet se personi ka braktisur në breg të detit gomonen me një motorr “Mercury” 150 hp dhe është larguar duke përfituar edhe nga terreni i pyllëzuar në këtë zonë.
Pas kontrollit të zonës u arrit të gjendej 1 110 kg kanabis e paketuar në 54 pako të mëdha, e shpërndarë midis pemëve dhe shkurreve.
Në drejtorinë Vendore të Policisë Vlorë janë shoqëruar disa persona ndërmjet tyre është marrë në pyetje edhe pronari i gomones, i cili ka deklaruar rreth personit që ka nxjerrë gomonen pa lejen e tij në det.
