Të shtunën nis rrugëtimi i gjatë i sezonit të ri të Kategorisë Superiore.
Kampionati shqiptarë do të nisë në orën 16:00 pikërisht nga Kukësi, me përballjen që do t’i vërë kampionët në fuqi me Kamzën e sapongjitur nga Kategoria e Parë.
Për të luajtur 90 minutat e para të Superiores, Federata Shqiptare e Futbollit ka organizuar një ceremoni të shkurtër për çeljen e sezonit të ri.
Po të shtunën, në orën 19:00, do të zhvillohen edhe dy takime të tjera, me Skënderbeun që do të presë Flamurtarin në Korçë dhe Teutën që do të presë Luftëtarin në “Niko Dovana” të Durrësit.
Kalendari i javës së parë të Superiores plotësohet me dy përballjet e së dielës, me Lushnjën që do të presë Vllazninë në “Loni Papuçiu” të Fierit në orën 16:00, kjo për shkak se punimet në “Roza Haxhiu” nuk kanë përfunduar ende, dhe Partizanin që do të presë në “Selman Stërmasi” ekipin kurbinas të Laçit në orën 19:00.
