Ish-trajneri i përfaqësueses kuqezi Gianni de Biasi, ka mbërritur në Tiranë si i ftuari i veçantë për ndeshjen e Shqipërisë ditën e shtunë përball Lihteshtejnit.
Nga aeroporti “Nënë Tereza”, De Biasi tha se vij në Shqipëri si shqiptar, si ish-trajner dhe si mik i Shqipërisë dhe tifoz i Shqipërisë.
Në lidhje me Panucci-n, De Biasi shprehet: “Kam folur me Panuccin pak kohë më parë, është shumë i motivuar shumë i karikuar. Shpresojmë që të bëjë mirë dhe ja uroj me zemër. Nuk kam ndonjë këshillë të veçantë, ai është i zoti është i ri dhe ka shumë dëshirë të bëjë mirë. Uroj të jetë serioz dhe i qetë, më pas të gjitha të tjerat vijnë vetë”.
Sa i përket çështjes më të përfolur të këtij grumbullimi të parë të Panuccit, asaj të largimit të Cikalleshit, ish-trajneri është dakord me kolegun e tij.
I zhveshur nga emocionet e postit të trajnerit, De Biasi tha se të fitojmë ndeshjen e parë si fillim, duke kryqëzuar gishtat sigurisht, më pas të mendojmë për Maqedoninë që është një ndeshje më e vështirë.
