“Brenda pak ditësh do të hapet unaza e madhe që do të lehtësojë shumë punë.”
Kjo ka qenë deklarata e kryebashkiakut Erion Veliaj paraditen e sotme ku po zhvillonte një takim me drejtorët e shkollave në kryeqytet para nisjes së vitit të ri shkollor.
Ai deklaroi se bashkia ka punuar në 191 shkollat brenda në Tiranë, por edhe në fshatra, ndërsa tre janë hapur të reja.
“Me qeverinë e re na pret një 4-vjeçar fantastik. Me disa shkolla kemi probleme për tregjet që kanë pranë. Tregu te ‘Vasil Shanto’ ka probleme. Në cilin shtet shitet në shkollë?
Nëse ka një arsye për t’u revoltuar është kur tempulli kthehet në pazar, duhet t’i ndryshojmë, tregu është për të shitur, shkolla për të mësuar, por jo të gjitha në një vend.
Janë hapur tre shkolla të reja, shkolla ‘Kosova’ sapo ka hedhur themelet, 16 shkolla të reja do të projektohen vitin tjetër. Keqardhje që këshilltarët në bashki nuk e votuan, edhe pse para pak kohësh e ke votuar pro”, tha ai.
