Houston është përfshirë nga stuhia më e madhe në historinë e shtetit të Teksasit, shkruan BBC.
Deri tani numri i raportuar i viktimave ka arritur në 5. Deri në 2,000 njerëz janë shpëtuar por stuhia që vazhdon të godasë Teksasin me shira të mëdhenj.
Hetimet vazhdojnë për të bërë te ditur nëse ka viktima si pasojë e automjeteve të përmbytura. Shërbimi Kombëtar i Motit i SHBA thotë se kushtet janë të paparashikueshme dhe udhëtimet janë të pamundura.
Banorët po përballen me kushte shumë të vështira pasi shumica e tyre mund të shpëtohen vetëm nëpërmjet ajrit ose me anije.
Rojet bregdetare të SHBA në Houston kanë kërkuar më shume helikopterë.
Si pasojë e kësaj stuhie ka reaguar dhe presidenti Trump, ndërsa kryebashkiaku i Houston, Sylvester Turner u ka bërë thirrje banorëve të mos i thërrasin shërbimet e emergjencës nëse gjendja e tyre nuk është kërcënuese për jetën.
