Gjykata e Dubrovnikut ka vendosur të ekstradojë, Ismail “Ballist” Morinën në Serbi.
Vendimi u mor ditën e sotme pas rishqyrtimit të Gjykatës së Shkallës së Parë të Dubrovnikut.
Ditë më parë Gjykata e Lartë e Zagrebit vendosi ta rikthejë çështjen e tifozit kuqezi që ngriti dronin në Beograd, për rishqyrtim në Gjykatën e Shkallës së Parë.
Gjykata e mori këtë vendim edhe pas kërkesës së këtij të fundit për azil politik.
Që Morina të mos ekstradohej në Serbi, atje ku ka dyshime që mund t’i rrezikohet jeta, shteti shqiptar ka ngritur zërin.
Disa ditë parë, me anë të një letre dërguar homologut kroat, ministri i Drejtësisë rendit arsyet pse Ballist Morina nuk duhej ekstraduar drejt Beogradit.
Gjithashtu edhe kryeministri Edi Rama, kreu i FSHF Armando Duka si dhe ministri i Brendshëm Dritan Demiraj vendosën kontakte me autoritet kroate ku i kërkuan që Morina të mos ekstradohej në Serbi.
