Një stuhi ekstreme me erë dhe shi goditi Poloninë mëngjesin e të shtunës, e për pasojë pesë persona, ndër të cilët dy të mitur, kanë humbur jetën dhe 36 të tjerë janë plagosur.
Situata më e vështirë ka qenë në një pyll në veri të vendit, ku ishte organizuar një kamp verorë, nga ku mbetën të vrarë dy të rinj, të cilët i zuri poshtë një pemë e rënë nga stuhia.
Era e fortë prishi çatitë e shtëpive, duke shkaktuar dëme të konsiderueshme materiale, ndërsa pemët e rrëzuara ranë edhe mbi linjat e energjisë duke lënë pa drita rreth 500 mijë njerëz.
Ndërkohë pritet përkeqësimi i situatës edhe në disa zona të tjera të Polonisë.
