Pas 27 viteve aktive në Parlamentin e Shqipërisë, socialisti Namik Dokle për herë të parë jashtë tij, duket se ka vendosur t’i dedikohet natyrës së vendlindjes së tij.
Ish-deputeti ka postuar në rrjetin social Facebook disa fotografi nga udhëtimi në bjeshkët e Shishtavecit duke shprehur admirimin për atë vend.
“Ballkoni i Gores…Kështu mund të quhet, pa asnjë mëdyshje, vendi me emrin Guri i mëngjesit, në bjeshken e Shishtavecit. Ai, bashkë me Gurin e Kallabakut, në bjeshkën e Borjes, janë dy pika dominante nga ku mund të shihet dhe të admirohet pamja e papërseritshme e gjithë Gores…
Është kjo arsyeja që kur botuesi i romanit tim “Vajzat e mjegullës” në gjuhen boshnjake, Ajet Arifi (Connectum, Sarajeve) më shprehu dëshiren për të parë Goren, unë dhe zëvendësrektori i Universitetit të Prizrenit, poeti dhe profesori Sadik Idrizi, i propozuam pikërisht atë, Gurin e Mëngjesit…”, shkruan Dokle.
