Saimir Pirgu, tenori shqiptar me famë botërore ka kënduar sonte në Tiranë në Teatrin e Operas e Baletit, duke mahnitur publikun e pranishëm me zërin dhe emocionin që përcolli. Pirgu ka prezantuar albumin e tij të ri Il mio Canto dhe Tirana është pjesë e turit të tij botëror.
“Il Mio Canto” ka brenda ariet më të bukura italiane dhe franceze, promovuar në Londër nga “Opus Arte”, shtëpia diskografike e Operas Mbretërore në Covent Garden dhe nga studiot e BBC 3.
Albumi i Sajmir Pirgut është cilësuar “protezheja” e tenorit legjendar Luciano Pavaroti. Këtë album do ta shoqërojnë një sërë performancash në Firence, Moskë, Vjenë, Berlin, Paris, Tokio e Nju Jork.
Realizimi i këtij albumi është bërë nga orkestra “Maggio Musicale Fiorentino”, e dirigjuar nga Spernaza Scappuçi.
Gjatë mbrëmjes së sotme u panë të hynin spekatorë të Pirgut emrat më të njohur të jetës publike dhe politike në vend. Kryetari i Bashkisë së Tiranës, Erion Veliaj dhe bashkëshortja Ajola Xoxa, ish-kryeministri Sali Berisha me bashkëshorten, ministrat dhe deputetë.
Më herët Pirgut iu dorëzua “Çelësi i Qytetit” nga Kryetari i Bashkisë së Tiranës, Erjon Veliaj. /27.al/
