Policia e Korçës ka arrestuar ditën e sotme 5 persona dhe ka sekuestruar një sasi kanabisi.
Në një njoftim për shtyp të Drejtorisë lokale të Policisë thuhet se të arrestuarit janë të rinj të moshave nga 20 deri në 26 vjeç dhe njëri prej tyre e kishte kthyer banesën në ambjent për konsumimin e narkotikëve.
Kur kanë parë policinë të ndërhyjë, të rinjtë kanë hedhur nga dritarja një qese plastmasi me peshë 8.6 gramë kanabis, e cila është rekuperuar nga agjentët.
Materialet hetimore i kanë kaluar tashmë prokurorisë së rrethit përkatës, për akuzat e “prodhimit dhe shitjes së narkotikëve” dhe “përshtatje të ambjentit për përdorim droge”.
