Asnjëherë nuk ka qenë kaq e lehtë për t’u pasuruar në moshë të re. Një rekord prej 66 anëtarësh të rinj nën 40 vjeç i shtohen Listës së Miliarderëve nga Forbes për vitin 2016, më shumë se trefishi i numrit vetëm katër vjet më parë dhe një rritje prej shtatë-fish që nga viti 2010.
Miliarderja më e re në botë është norvegjezja, Alexandra Andresen (në foto), e cila e kalon shumicën e kohës mbi kuajt e saj. Alexandra, 19 vjeç dhe motra e saj Katharina, 20 vjeç, kanë trashëguar aksione të mëdha në kompani ku ka investuar familja e tyre.
Ata janë mes 30 miliarderëve nën 40 vjeç, të cilët kanë lindur me këmishë. Më i dukshëm është fakti se pjesa më e madhe e këtyre miliarderëve të rinj kanë krijuar fatin e tyre nëpërmjet inovacionit dhe imagjinatës me një dozë të madhe të fatit të mirë. Nga 36 që kanë përshkuar vetë rrugën e tyre, më shumë se tre të katërtat u pasuruan në sektorin e teknologjisë, duke përfshirë 25 miliarderë, fati i të cilëve vjen nga startups Unicorn (sipërmarrje të vlerësuara mbi 1 miliardë USD). Shumë nga këto kompani, si Snapchat, Uber, Pinterest dhe Airbnb, nuk kanë ekzistuar 10 vjet më parë.
Bashkëthemeluesi i Snapchatm Evan Spiegel është miliarderi më i ri i vetë-bërë në botë, i cili së pari u shfaq në listën e miliarderëve të vitit të kaluar me një vlerë neto prej 1.5 miliard USD. Në maj, Snapchat arriti një financim prej 538 milionë USD, duke e vlerësuar kompaninë në 16 miliardë USD dhe duke rritur vlerën neto të Evan Spiegel deri në 2.1 miliard USD. Spiegel duket se ka zgjedhur në jetën e tij një të profil të lartë, pas shoqërimit me modelen e famshme, të dashurën Miranda Kerr. Bashkëthemelues i tij 27-vjeçari Bobby Murphy është miliarderi më i ri tjetër i vetë-bërë me një vlerë neto prej 1.8 miliard USD.
Themeluesi dhe CEO i Facebook, Mark Zuckerberg ishte miliarderi më i ri në botë, kur ai debutoi në listë në mars të vitit 2008 në moshën 23 vjeçare me një vlerë neto prej 1.5 miliard USD. Sot, 31-vjeçari nuk është i ri, por ai është padyshim më i pasuri tani nga 40 të rinjtë. Përfituesi më i madh i vitit, babai i ri është edhe personi i gjashtë më i pasur në planet me një vlerë neto prej 44.6 miliard USD. Në dhjetor, Zuckerberg u zotua të dhurojë gati të gjithë pasurinë e tij për bamirësi përmes Iniciativës Zuckerberg Chan.
Hendeku mes pasurisë së Zuckerberg dhe gjithë pjesës tjetër është rreth 34.2 miliard USD. Ky është hendeku mes tij dhe Lukas Walton, i dyti më i pasur nga të rinjtë. Walton, i cili ka trashëguar 10.4 miliardë dollarë pasuri, pasi babai i tij, John Walton, vdiq në një aksident ajror në vitin 2005, bashkohet me renditjen për herë të parë këtë vit, pasi dokumentet e gjykatës i dhanë të drejtë mbi një të tretën e Walmart nga babai i tij.
Vetëm 20% e miliarderëve nën 40 vjeç janë femra. Dymbëdhjetë prej këtyre 14 miliardereve femra trashëgojnë pasurinë në Evropë, dhe vetëm një prej tyre e ka krijuar vetë pasurinë e saj. Elizabeth Holmes, tani 32 vjeç, ka themeluar kompaninë e saj Theranos në moshën 19 vjeç. Kompania është gjendur nën akuza vitin e kaluar për përdorimin e pajisjeve të pamiratuara për analizat e gjakut dhe praktika të pasigurta laboratori. Si rezultat, Theranos ” mbylli shërbimet e saj laboratorike në Palo Alto”. Ndërsa sipërmarrja vlerësohet ende 9 miliard USD në bazë të raundit të fundit të financimit, por Forbes e uli vlerësimin për Theranos, duke e çuar Holmes në 900 milionë USD nga 3.6 miliard USD që ka tani për tani.
/ Forbes
