Maqedonia renditet me performancën më të mirë me 54.6 pikë, ndërsa Shqipëria merr 37.1 pikë duke lënë pas vetëm Bosnjën me 34 pikë
“Rritja e destabilitetit politik dhe gjeopolitik do të prekë edhe ekonominë e vndeve të Ballkanit. Ky është konstatimi i Business Monitor International, pjesë e grupit të njohur vlerësues Fitch, në studimin e fundit për vendet në zhvillim dhe Ballkanin.
Përmes tabelës së indeksit të riskut për vendet e Ballkanit, Raportievidenton se stabiliteti ekonomik në Shqipëri renditet me 37.1 duke lënë pas vetëm Bosnjen me 34 pikë. Më mirë në rajon shfaqet sërish Maqedonia me 54.6 pikë. Referuar termave afatgjatë, stabiliteti ekonomik i Shqipërisë merr 46.5 pikë nga 100, më mirë se Kosova dhe Bosnja. Me stabilitetin më të lartë në rajon parashikohet sipas indeksit Maqedonia. Raporti I fundit tregon se rajoni I Ballkanit është duke u përballur me një risk të madh destabilizimi në pjesën e mbetur të 2016, duke përmendur tensionet e mbetura mes Kosovës dhe Serbisë, por edhe rivaliteti gjeopolitik i Rusisë me Perëndimin do të ketë ndikimin e tij.
“Rritja e destabilitetit politik dhe gjeopolitik do të prekë edhe ekonominë e këtyre vendeve. Teksa papunësia mbetet e lartë, mundësitë për punë janë të limituara. Masat shtrënguese të FMN po zbatohen në Serbi dhe pritet të implementohen edhe në Bosnje dhe Kosovë, ndërsa qeveri jo stabël si Maqedonia varen nga investimet e huaja. Fluksi i emigrantëve sirianë pritet që të prekë këto vende ballkanike”, shkruan raporti.
